Xoves, 18 de xuño
Queridos nenos e nenas:
Xa chegou o fin de curso, e con el a última clase de música. Sempre o rematamos con festa, cantando e bailando, e este non ía ser menos! Imos facelo a ritmo de Uxía Lambona e a Banda Molona, coa divertida canción "Sinfonía de Uxía". Veña, a mover o corpo con alegría!
Durante estes meses tivéstedes que facer un esforzo enorme, pero conseguístelo, sodes uns campións e unhas campionas! Dende aquela, son moitas as cousas que de seguro botaredes de menos; os amigos, o parque. o patio do colexio, as excursións... e tamén as apertas.
Queredes que vos conte un segredo? Eu tamén botei moitas cousas en falta, pero sobre todo, boteinvos moito de menos a vós.
Conta a tradición que cando abrazamos de verdade gañamos un día máis de vida. Non sei se será certo pero, se así fose, quedarían moitas apertas por dar para recuperar todo este tempo. Eu mándovos unha morea delas, apertas que vos chegarán voando.
Oxalá que as vosas poidades repartilas todas neste fantástico verán que vos agarda. Vaia por diante esta canción "Apertas que voan".
FELICES VACACIÓNS!
Xoves, 11 de xuño
Esta semana imos facer un repaso da linguaxe musical. Comenzaremos cantando e bailando coa canción "El rock de las notas musicales". Veña, a mover o corpo con ritmo!
Lembra
que para poder escribir as notas no pentagrama, ao principio del
tiñamos que escribir a Clave de Sol. Pincha nas seguintes imaxes para
repasar e practicar a facer a Clave de Sol.
Para rematar, fai clic na seguinte imaxe. Lembraraste de onde estaban colocadas as notas? Fai a seguinte ficha: escoita e entoa a escala de Do, escribe o nome das notas e o valor das figuras rítmicas. Cando remates pincha en "¡Terminado! e escribe o teu nome para enviarma.
Xoves, 4 de xuño
Hoxe repasaremos a clasificación das familias instrumentais: corda, vento e percusión. Imos empezar bailando e cantando coa canción "Xan e o Seu Acordeón" de Olga Brañas. Despois de escoitala... Serías quen de decirme a que familia pertence o acordeón?
A continuación visualiza atentamente o seguinte vídeo sobre a clasificación dos Instrumentos Musicais, e vai facendo un esquema de todos os elementos que aparecen. Despois mándame a foto do esquema que fixeches.
Por último, entra na seguinte imaxe e fai a ficha interactiva que che aparece. Cando remates escribe o teu nome e pincha en "TERMINADO!" para enviarmo.
Xoves, 28 de maio
A tarefa desta semana consistirá en construír un instrumento musical.
Na páxina principal do blog déixovos varios videos dos que podedes coller ideas.
Despois de construír o voso instrumento facédelle unha foto e mandádema.
Ah! e gardade o instrumento para cando voltemos ao cole, porque os clasificaremos por familias e faremos unha exposición con todos eles.
E para cantar e bailar hoxe déixovos unha canción moi divertidada sobre instrumentos musicais "A miña tía" de Mamá Cabra. Agardo que a desfrutedes!
Xoves, 21 de maio
Para ter un bo día... temos que empezalo con alegría! Hoxe toca bailar e cantar coa canción "O Rock Pituso" de Olga Brañas.
A
continuación imos repasar a colocación no pentagrama das notas MI, FA,
SOL e LA facendo este xogo nas formas "Ler", "Escribir" e "Escoitar":
Despois,
debuxade nun folio ou caderno un PENTAGRAMA e colocade nel as seguintes
notas (pedídelle a un adulto ou irmán maior que volas dite):
SOL- LA- RE- DO grave- SI- FA- RE- LA- MI- SI- RE- SOL- DO agudo- FA- LA- RE- SOL- DO grave- MI.
Non esquezas colocar a clave de Sol ao principio. Se queres, practica a debuxala aquí:
Antes, podes repasar a colocación das notas con esta canción:
Xoves, 14 de maio
Entramos na Semana das Letras Galegas, este ano adicadas a Ricardo Carvalho Calero.
Por iso, imos empezar a clase cantando e bailando ao ritmo da canción "Queremos galego" de Pablo Díaz . (Se non se visualiza aquí, telo na páxina de inicio do blog)
Como tarefa de hoxe, tes que inventar unha coreografía para a primeira estrofa e o retrouso desta canción. Lembra que o retrouso é a parte que se repite. Despois envíame o vídeo ao meu correo: lardeira78@gmail.com
Para rematar, propóñovos un xogo para traballar a memoria de secuencias melódicas, "Simon Dice". Viranos xenial para memorizar cancións de frauta.
Xoves, 7 de maio
A semana pasada estivemos repasando as figuras musicais, hoxe imos practicar con elas.
Apetécevos convertirvos en compositores e compositoras? Pois veña, a ver que obras máis chulas compoñedes!
Como tarefa de hoxe tedes que compoñer unha melodía empregando figuras negras, corcheas e brancas (tamén podedes empregar algún silencio de negra, lembrade que os silencios son moi importantes). Cando rematedes, escoitade e gravade a canción, logo levade o ritmo con palmas. Tamén podes compoñela para tocala coa frauta. (Preme na imaxe que tes debaixo)
Non te esquezas de mandarme un pequeno vídeo da túa obra.
E para rematar, propóñovos bailar a ritmo de Uxía Lambona e a Banda Molona coa canción "Esto báilase así". Agardo que o desfrutedes.
Xoves,30 de abril
Hoxe imos traballar as figuras rítmicas.
1. Visualiza este vídeo sobre a negra, a branca e a redonda.
2. Practica este ritmo para repasar as figuras musicais: negra, silencio de negra e corcheas.
3. Acompaña con palmadas ou cun instrumento de percusión que teñas na casa a audición:
"Na cova do Rei da Montaña, Peer Gynt".Edvard Grieg
4. Para rematar, reláxate e disfruta bailando esta coreografía.
5. Non te esquezas de seguir practicando as cancións de frauta, e se aínda non o fixeches podes mandarme un vídeo do ben que o fas a: lardeira78@gmail.com Ánimo!
Xoves,23 de abril
Para celebrar o Día do Libro, imos ver un conto musical para orquestra contado por un narrador: "Pedro e o Lobo". Esta obra encargáronlla ao compositor ruso Sergei Prokofiev co obxectivo de ensinarlle aos nenos e ás nenas o timbre dalgúns instrumentos da orquestra. Prokofiev para compoñela baseouse nun conto tradicional ruso. Escoita e mira con atención. Espero que che guste.
Estiveches atento? Saberías dicir a que animal representa cada instrumento? Compróbao no seguinte crucigrama.
Crucigrama sobre "Pedro e o Lobo".
Completa e colorea a seguinte ficha. Pon ao lado de cada instrumento a familia á que pertence.
Xoves, 16 de abril
Ola nenos e nenas!
Que tal de vacacións? Practicastes algo coa frauta? Seguro que
cantastes e bailastes moito. A que si?
Para hoxe propóñovos:
1. Escoitar e cantar esta canción tan pegadiza:"Quérote máis". E por suposto bailar!
Déixovola en versión karaoke; está en portugués pero non ides ter problema.
Animádesvos a inventarlle unha coreografía e mandarma? Encantaríame!!
2. Tocar coa frauta “Recordando París”. É un tema moi bonito e bastante
fácil de tocar: só redondas, bancas, negras e silencios de brancas.
E con catro notas: SOL- LA-SI-DO´.
Empezamos
cuando acaba a introdución do acordeón e ao rematar repetimos
todo dende o principio. Atentos aos compases 3, 7, 11 e 15 que é onde cambia
o ritmo (primeiro hai unha branca e despois dúas negras).
todo dende o principio. Atentos aos compases 3, 7, 11 e 15 que é onde cambia
o ritmo (primeiro hai unha branca e despois dúas negras).
canción e practicar con ela, tamén está o play back. Na parte inferior esquerda
tedes un pdf coa partitura aumentada.
Se necesitas consultar algunha posición da frauta, pincha na foto:
Xoves, 2 de abril
Esta é a proposta para esta semana:
1. Escoitar, cantar e bailar a canción: "Meu o mundo é" de Paco Nogueiras.
2. Facer exercicios de ritmo con negras, corcheas e silecios de negra.
3. Repasar a canción de frauta da clase anterior.
Podedes mandarme ao correo a que elexistes e comentarme que tal ides.
Xoves, 26 de marzo
Estas son as propostas para esta semana:
1. Na seguinte páxina tedes cancións para practicar a frauta.
2. Musicograma do 1º movemento da "Primavera" de A. Vivaldi.
3. Buscar información do autor: de onde era, instrumento que tocaba e a que obra pertence "A Primavera"
Luns, 23 de marzo
Que mellor que empezar a semana cantando e bailando!
Veña!! Imos cantar e bailar con Cé Orquestra Pantasma!!
No hay comentarios:
Publicar un comentario